رد: هاااااااااااااام جدا.....مسابقة زجلية...

من طرف محمد شناعه ابو رزق 2009-10-02, 5:03 am

or] حزوره زجليه شعبيه[/color]
اعطيني يا شاعر نور بلا نار
وارض بلا حجار
وسهل بلا بذار واسمها سعد الرجاء
الرجاء من المساهمات ان تكون بنفس القافيه

من طرف محمد شناعه ابو رزق 2009-10-02, 5:10 am

الحق دوما عليكم مش علينا
قلبي من الغربه تلوى لينا علينا
على سطح القمر احنا علينا
وانت مري على مرشاس الحطب

انا جرحي من الهم معمل ودامي
على حب الوطن داير ودامي
دخيل الله افتحولي جس دامي
ذاي قلبي طولنا الغياب

من طرف الشيخ عبد العليم 2009-10-02, 5:22 am

اانا ابن قفين نور بلا نار
وازهقت الفقيرة وواد ابو نار
اعتبرني ابو الحكم وانت ابو النار
اسحبني عندك لأشوف الاحباب

من طرف محمد شناعه ابو رزق 2009-10-02, 5:25 am

اخي هي لغز اعطيني معاني للطلبات الثلاث حتى تنجح في المسابقه
ولا تنسى انني اقول الشعر والحدادي

من طرف محمد شناعه ابو رزق 2009-10-02, 5:31 am

انا بالشعر غنيت معنى والف معنى
احنا من حر الشمس موتنا وميعنى
ما دام الشيخ عبد العليم معنى
ما اظن للهم نحسب احساب

من طرف الشيخ عبد العليم 2009-10-06, 12:46 am

ربي خلي ليالي الدني سعودي
وان سبت بيت الولف سعودي
من فلسطين لارض السعودي
لابو رزق لابعث جوااااب

من طرف محمد شناعه ابو رزق 2009-10-06, 3:15 am

بقلبي نار ما ابتعطي برودي
غنيت العتابا ومن حولي برودي
الشيخ عبد العليم اذا بحمل برودي
رمى طلقه ثلاث غزلان جابــــــــــــــب

من طرف الشيخ عبد العليم 2009-10-06, 5:13 am

يا ليالي الانس تعي وعودي
لاطفي النار في قلبي وعودي
الك يا ابو الرزق لوفي وعودي
تبقى خليلي في دمي والاهداااب

من طرف محمد شناعه ابو رزق 2009-10-07, 1:48 am

الى الخلان ما بقطع وعودي
طب الانس بنغماتي وعودي
يا ها الايام ارجعي بينا وعودي
تنشوف ظعنا واعز الاحباب

انا الامم تتغني بفني وجودي
يا ايام العز ابقيمعنا وجودي
انا عربي فلسطيني لو وجودي
مكان غرد طير ولا انفتح كتــــــاب

من طرف محمد شناعه ابو رزق 2009-10-07, 1:51 am

هذا البيت للشاعر الراحل الكبير العراني - نرجو عدم التكرار

من طرف الشيخ عبد العليم 2009-10-07, 5:15 am

انا يا ابو رزق صدق ما اسمعته ابد لكن اذا انت حكيت فانت اصدق

ايا ليالي المجد عدي وسودي

وصدري للخلان فرشي وسودي

بقحم للغاب من نمرها وسودي

لاجل ابو رزق يا عز العرب

من طرف محمد شناعه ابو رزق 2009-10-07, 7:45 am

طابت نفسي مني حقودي
وعل الاصحاب ما كنتش حق ودي
جحافل عز بنفسي ح قودي
وعلى باب قفين طاب الموت طاب

من طرف محمد شناعه ابو رزق 2009-10-07, 7:48 am

على الهامش

غربه ما بدي غربه بدي اروح على بلادي

من الوطن اخراجوان ولعنو امنا على ابون

وبالتالي علمونا على القله والشحاده
غربه مابدي غربه

من طرف الشيخ عبد العليم 2009-10-08, 4:44 am

هالغربة بعدتنا وعن الوطن شغلتنا
بدي ارجع لبلدتنا وغني عاليادي اليادي

غربة ما بدي غربة بدي روح عبلادي

من طرف محمد شناعه ابو رزق 2009-10-08, 7:21 pm

هالوطن غالي غالي
بدو سهر وليالي
واينو عمي وخالي
اتشردو في البوادي
اتشردوا في البوادي

من طرف ابو نارمين 2009-10-08, 8:24 pm

ياسلام الله عليكم ....... ياعلي ربي يحيكم
نبدا في مدح ال قفين ....... حكام مثل الاسود
دايم بخيره تجودي ......... صفوة حرارمنقيه
وبالسنه ....... والعدل بين الرعيه
ياطيب الشعب الفلسطيني ...... مخلص لكل ال فلسطين ماشفتم في يوم البيعه ...... جتهم اجموع ووفودي
قولوا معي يالله يالله ......... يرحم سيدنا ابو عمار

من طرف الشيخ عبد العليم 2009-10-08, 11:34 pm

يا ابو نارمين يا حبيبي الك حبي وتوجيبي

موضوعاتك عجيبة ما بفهموها اولادي

غربة ما بدي غربة بدي اروح عبلادي

من طرف محمد شناعه ابو رزق 2009-10-09, 3:42 am

قفين بعشق هواها
بحييها وحي لوها
الغربه ما بدي ايها
ولي عملها وسواها
اكيد امو قوادي
غربه ما بدي الغربه

من طرف محمد شناعه ابو رزق 2009-10-09, 3:45 am

ابو نارمين اشو بدك
دخيلك الزم حدك
الله يرحم جدي وجدك
يا ما شربوا من الوادي

الحب زايد لقفين
من ايام ومن سنين
ولي بدو يغني لفلسطين
لازم يتعلم الحدادي

من طرف الشيخ عبد العليم 2009-10-09, 4:07 am

اسمع يا ابو شناعة الوضع بدو ولاعة

مركب وانت الشراعة من اصلك للقياده

غربة ما بدي غربة بدي روح لبلادي

من طرف محمد شناعه ابو رزق 2009-10-09, 5:07 am

لشيخ الامر والطاعه وبغني معنى وقناعه

وان غنى ابو شناعه

اطرب السهل والوادي

غربه ما بدي غربه

منين انجيب الصبر منين
وهلى حبك فلسطين بدي اربي اولادي

القباده للعظيم قصه وما بدها تفهيم
وليك يا عبد العليم زندي بكون وسادي

اشو بدك اكثر من هيك معزه

من طرف سفير الرعب 2009-10-09, 9:55 am

تم التعديل

ويرجى احترام الاخرين في المنتدى.

من طرف محمد شناعه ابو رزق 2009-10-09, 6:21 pm

الزجل للناس المحترمين المهذبين
ارجوا ان تكون منهم مهذب مثل اهل قفين
لان اللسان غير عاجز للرد على هذا الكلام
احنا بدن زجل اللي ما بيعرف يتعلم او يلزم الصمت

الرجاء مشرف هذا النتدى عدم السماح لهذا الشخص الدخول لهذا المنتدى للاهميه

من طرف ابوفتحي 2010-04-05, 9:19 pm

يا ايام المحبه بس عودي
وجبيلي من اوطاني بس عودي
وانا بفخر يا ساكن بالسعودي
شناعه بالزجل شيخ العرب