يا أجمل من الورد

يا أجمل من الورديا أجمل من الورد عا الغصن الطري
ظلي صغيرة يانعة ولا تكبري
ميلي علي بعطر خدك واجبلي
شيب الشيوخ بلهفة القلب البري
هزي النسيم بجانحك وتمايلي
ومع كل ميلي شي ألف زهرة أزهري
واتصبري تا تل صدرك ينتلي
وتحكمي بعواطفي وتجبري
عيدي شبابي وعالجي سنين ألبلي
ومن كل هفوات الغرام تحرري
بحبك أنا طلبي شريف محللي
وبغير غاية ثانية لاتفكري
راح تصبحي بالبيت أم العائلي
وتعيشي عمرك غالية في جوهري
هذا خيارك يا مليحة تفضلي
عيشي بحبي وبخيالي سافري
يا بتسكني في مهجتي وتاجك علي
ويا بتقطفي عنقود عنب الدالية
ويا بتعصري عنب الدوالي وتسكري