منتديات قفين
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.

رفيق الليل مع مع ... ’ القبلة ’

2 مشترك

اذهب الى الأسفل

رفيق الليل مع مع ... ’ القبلة ’ Empty رفيق الليل مع مع ... ’ القبلة ’

مُساهمة من طرف رفيق الليل 2008-08-04, 5:50 am




يا مرحب يا هلا وغلا .. شلونكم كيفكم .. شو عاملين يا زوار منتديات قفين.. استنيتوني كثير .. واليوم لاقيتوني .. من وين ابدا وشو احكي .. الموضوع كبير .. كبير .

رفيق الليل مع مع ... ’ القبلة ’ 2259



انا دايما مظلوم .. قبل سنوات كان في بصفي بنت اسمها "قبلة" رفيق الليل مع مع ... ’ القبلة ’ 015 يا عيني على اسامي الدلع .. المهم انا بتعرفوني مسكين بستحي من خيالي .. في يوم من الايام كان علينا بحث لازم نعمله احنا طلاب الصف مع بعض ..
ووكلوني اني اتصل بالطلاب ابلغهم بموعد اللقاء عشان نعمل البحث .. المهم بوسة هههههه قصدي قبلة (يا حبيبي) اعطتني رقم تلفون بيتهم وقالتلي اتصل علي اليوم ضروري واعطيني ارقام اولاد صفنا وانا بتصلهم كلهم من مكتب بابا وببلغهم .. قولتلها باباااااااااااا ؟ قالتلي بابا .. قولتلها باباااااااا .. قالت ايوا بابا .. المرة مقولتش باباااااااا ..
وللعلم قبلة بنت كثير مؤدبة .. بس هذيك امها سمتها "قبلة" قال عشان وقتها حبت تخترع لوك جديد بالاسامي ..
رجعت انا على البيت بعد دوامي في المدرسة , ولاقيت طنجرة ملوخية بتستنى فيي , بديت لهط فيها لحد ما شبعت .. وعاد الملوخية لزقت على فمي زي الي شارب عصير عشب ...
المهم جهزت حالي عشان اتصل على قبلة ..
والظاهر طلعت قبلة "اوموووووووواااا" الشاطرة معطيتني النمرة غلط .. وشوفوا الاحراج الي صار ..
المهم اتصلت وردت علي ختيارة رفيق الليل مع مع ... ’ القبلة ’ Z037 ..
قولتلها : السلام عليكم ..
قالتلي : عليكم السلام ..
قولتلها .. لو سمحتي ممكن تعطيني قبلة رفيق الليل مع مع ... ’ القبلة ’ 31082006-120415-1 ؟ عنجد اني بايعها ههههههه
سكتت الختيارة شوي وقالت لحالها .. عزا شو هالاحراج شو قاعد بقول هذا ؟؟ رفيق الليل مع مع ... ’ القبلة ’ 170 .. رديت قولتلها كمان مرة .. بقولك اعطيني قبلة عاوزها ضروري ههههههه انا رهيب يعني فعلا لازم ادخل عكتب التاريخ باسرع وقت .. سكتت الختيارة كمان مرة .. وسامعها بتمتم وبتقول شو قبلة ؟ شو بدو هذا .. ليكون قاعد بتخوث !!! ... المهم قوليت لنفسي , مبين هذه "جدة" قبلة ومش ناوية تعطيني احكي معاها .. بس شو العمل ؟؟؟؟ فكر يا مخلوق فكر يا مخنوق فكر يا مسلوق.. فحر شحر فكر شندل دندن .. نم نم نم نمممممممم .. اهااااااا وجدتهاا يحيى الذكاءءءء ...
لقيت الحل رفيق الليل مع مع ... ’ القبلة ’ A.. وقوليت لازم احكي مع هالختيارة بمنتهى الادب والاخلاق .. فسكرت التلفون وقوليت بتصلها كمان مرة .. وفعلا اتصلت وقولتلها هالمرة .. مسسسساء الخير , وقال بمد بالسين .. معك مخلوق حلال المشاكل الاجتماعية جيزة بنجوز وبدل بنبدل والمنيوم نحاس خربان للبيع ... وعاد صوريت اتخيل الختيارة بتقولي بطيخ بطيخ ع سكين يا بطيخ وعامل فيها سوق بضايع .. لا تواخذوني عندي انفلات شرياني مزمن في بعض اللحظات .. حلوة هاي انفلات رفيق الليل مع مع ... ’ القبلة ’ 418!!! ..
المهم رجعت الختيارة تقول شو بدك يا حبيبي خلصني .. ابن مين انت ؟ قولتلها بدي قبلة ضروري في علينا بحث لازم نعمله ونسلمه ..
قالتلي .. طيب انا هسا مشغولة مش فاضية اعطيك قبلة .. وسكرت التلفون في وجهي .. طبعا انا تعصبت كثير رفيق الليل مع مع ... ’ القبلة ’ 31082006-120440-0 , كيف تجرات وسكرت سماعة التلفون بوجهي .. [b]انا الي سمعتي زي الليرة الذهب يتسكر التلفون بوجهي لازم اوصل الموضوع لاعلى المستويات يا بوليص حرااامي حراااامي .. عندي لحظات جنونية هههه سامحوني ..

قوليت لنفسي .. لا هيك الاشي زاد عن حده .. لعبتها مليح هالختيارة وسكرت الخط بوجهي ..
طبعا انا مش راح اتركها بحالها واتصلت كمان مرة وردت علي .. قولتلها .. انت ليش بتسكري التلفون بوجهي قلتلك اعطيني قبلة يلا خلصيني اعطيني اياها ..
الختيارة بدها توخذني ع قد عقلي .. قالتلي .. انا مشغولة هسا وبقدرش اعطيك قبلة .. قوميت سكتت شوي وقولتلها عنجد وينتا بتكون قبلة بالدار .. صارت تقولي وتضحك اهئ اهئ مبين عليك مستعجل .. قولتلها كثير .. اكثر مما بتتخيلي .. قالتلي .. طيب خذ احكي مع ابني ابو عوني .. قولتلها اعطيني اياه .. ويرد علي واحد صوته زي القنبلة الذرية ويقولي "عالووووووو" عاد انا من هدوئي كلمة "الو" بصعوبة تا تطلع من فمي .. قولتله ميس ميس سئ لأ ساء (يخرب بيتي مين ميس) .. قالي : شوووووو ميس ميس سئ لأ .. شو بتحكي ؟؟ ويرد يصرخ كمان مرة لدرجة جيتارة ذاني !!! عفوا قصدي طبلة ذاني انخرمت .. قولتله يا اخ ابو عوني انا قصدي مساء الخير رفيق الليل مع مع ... ’ القبلة ’ Inv%5B1%5D وبصراحة كنت خايف ما تمرق ليلتي ع خير .. وصوريت ازرب عرق رفيق الليل مع مع ... ’ القبلة ’ Sweatdrop%5B1%5D فكرتو ابو قبلة .. فحبيت اوضحله الموضوع , وقولتله انا قصدي شريف .. انا جاي اطلب ايد بنتكم قبلة .. يخرب بيتهم نسوني ليش اتصلت ..
قام قالي : ولاااا شو بدك من امي ؟؟ قولتله انا اتصلت وقولتلها بدي قبلة .. اخ ابو عوني انا قولتلها بدي قبلة انا بديش امك بدي قبلة .. قام سمعني شتائم بعرض الحيط رفيق الليل مع مع ... ’ القبلة ’ Ysab .. وانا بصراحة زعلت ولن اتكلم الا بحضور المحامي بعد هالمرة وقال برفع بصباعي وبقوله بتسمحلي استاذ ابو عوني .. بتسمحلي؟ .. مفكر حالي بالصف .. قولتله انت ما بتستحي على وجهك انتي بتحكي مع واحد محترم ارجوك احفظ كلامك .. وعاد امرقله جملة " شباب اخر زمن" .. وهو يقولي : حل عني مش فاضيلك ..

قولتله كمان مرة عشان اوضح مبادئي .. فعلا شباب اخر زمن .. وشديت على حرف الشين .. شششششششش .. شششششباب .. صار يقولي : انت قليل الادب بتتصل مرتين وبتقول لامي بدي بوسة .. قال نطيت بقوله لع لع قولتلها قبلة مش بوسة قال يعني فيه فرق !!! طبعا بلزمش احكيلكم انه صارت حالتي زفت وشكلي بشفق .. ولو شوي بدي اشاهق من الزعل .. وباختصار في الاخر سكرت التلفون بعد البهدلة وفتحت الثلاجة وتناولت قنية عنب شربتها كلها خليني انسى هههه ودوخيت وفتحت اغاني حزن ووقفت عشباك الغرفة وصار راسي يتمايل من الوضع الماساوي الي وصلتله وكله بسبب قبلة .. الله يسامحها على هالعملة .. لما حكيتلها ثاني يوم عن الي صارلي ..
صارت تضحك .. وهات مين يسكتها رفيق الليل مع مع ... ’ القبلة ’ 124.. طلعت متصل على تلفون غلط ..

بليز لا تتخيلوني لانكم مش رح تلاقوني ..

وتشاو بعلبة كاكاو ..
مع تحياتي وحبي .. رفيق الليل رفيق الليل مع مع ... ’ القبلة ’ Z019


[/b]
رفيق الليل
رفيق الليل
:: شخصية مهمة ::
:: شخصية مهمة ::

{الجـنــس} : ذكر
{الإقــامـة} : رفيق الليل مع مع ... ’ القبلة ’ Wdi41410
{آلـعـمـــر} : 35
{آلمسـآهمـات} : 5227
{تآريخ آلتسجيل} : 24/01/2008
{العــمــل} : طالب جامعي

http://www.qaffin.net

الرجوع الى أعلى الصفحة اذهب الى الأسفل

رفيق الليل مع مع ... ’ القبلة ’ Empty رد: رفيق الليل مع مع ... ’ القبلة ’

مُساهمة من طرف ملك الرومنسية 2008-08-12, 11:12 pm

مشكور اخي
ملك الرومنسية
ملك الرومنسية
عضو فعال
عضو فعال

{الجـنــس} : ذكر
{الإقــامـة} : رفيق الليل مع مع ... ’ القبلة ’ Wdi41410
{آلـعـمـــر} : 29
{آلمسـآهمـات} : 267
{تآريخ آلتسجيل} : 31/07/2008
{العــمــل} : طالب

الرجوع الى أعلى الصفحة اذهب الى الأسفل

الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى